Kisitsisitigut paasissutissiorneq

Immikkoortuni kisitsisitigut paasissutissat assigiinngitsut saqqummersinneqartut agguarnerat takussutissiamit ataaniittumit erserput. 2016-imi ukiullu siuliini Naatsorsueqqissaartarfiup saqqummersitai immikkoortiterluagaanerusunngorlugit takussutissiorneri nittartakkimi takuneqarsinnaapput.

 

Saqqummersitat amerleriapiloorsimanerannut kisitsisit saqqummersinneqartartut ukiumoortumik saqqummersittarunnaarlugit qaammammoortumik ukiumulluunniit sisamakkaartumik saqqummersinneqartalersimaneri ilaatigut pissutaavoq. Takornariaqarnermut, suliffeqarfimmut aalisarnermullu tunngasut 2016-imi qaammammoortumik saqqummersinneqartarput.

 

Takussutissiaq 1. 2011-2016 saqqummersitat amerlassusivii aamma immikkoortut kisitsisitigut paasissutissanik suliaqarfiusut malillugit 2017-imi saqqummersitassatut pilersaarutaasut

 

2011

2012

2013

2014

2015

2016

2017

Ukiumoortumik saqqummersitat. .

2

2

2

2

2

2

2

Aningaasaqarneq pillugu kisitsisitigut paasissutissat ............

17

21

18

23

29

41

42

Innuttaasut pillugit kisitsisitigut paasissutissat……………… .....

6

9

8

8

11

16

16

Suliffeqarneq pillugu kisitsisitigut paasissutissat…….. ..........

12

19

23

23

30

41

42

Katillugit …………………

37

51

51

56

72

100

102

*Kisitsit Takussutissiaq 4-mit allaanerusinnaapput saqqummersitat nutaat peerneqarsimasulluunniit pissutigalugit

 

Ukiut siuliinut sanilliullugu 2015-imi saqqummersitat allannguutaat pingaarnerit ataani naatsumik allaaserineqarput.

 

Nuna tamakkerlugu naatsorsuutit

2016-imi nuna tamakkerlugu naatsorsuutini akinut naleqqersuutip naatsorsoriaasia nutarsarneqaatigaluni allannguallatsinneqarpoq, taamaalilluni aningaasarsiornikkut ineriartorneq akiusimasunit kisitsisit aallaavigalugit naatsorsorneqartalerluni.

 

Atuisunut akit sanilliunneri

Kalaallit Nunaanni Danmarkimilu akit sanilliunneri 2016-imi Danmarks Statistikkimi siunnersortinik ikiortilerluni suliarineqarpoq saqqummersinneqarlunilu. Saqqummersitaq taanna 2014-imi saqqummersumik nutarterineruvoq.

 

Takornariaqarneq

2016 aallarnerfigalugu timmisartunut ilaasut kisitsisaataasivimmi qaammatikkaarlugit nutarterneqartalerput.

 

Suliffissarsiortut

2016-imi kisitsisaataasivimmi suliffissarsiortutut nalunaarsukkat kommuninut kiisalu sulisinnaasut sulinissamut piareersimassusiinut immikkoortillugit pissarsiarineqarsinnaalerput.

 

Kommunit naatsorsuutaat

Naatsorsueqqissaartarfiup 2015-imi Kommunit 2009-mit 2014-imut naatsorsuutaanni kisitsisit pingaarnerit tamanut saqqummiuppai. 2016-imi kisitsisaataasivimmi nunatta karsiata naatsorsuutai aamma pissarsiarineqarsinnaalerput, paasissutissanik itisiliilluni aallertoqarsinnaalerluni (ass. Hovedkonto 34.11.03 Dronning Ingridip Napparsimmavissua) (ass. artskonti 11xx akissarsiat).

 

Pinerluuteqarsimasut pillugit kisitsisit

2016-imi politiit suliaanit paasissutissat tunngavigalugit pinerluuteqarsimasut pillugit kisitsisit suliarineqaqqittalerput. Tassani saqqummersinneqarput 2008-mut kisitsisit ilanngullugit unnerluussinerit, pasineqartut aamma aalajangiinerit.

 

Ilinniartitaaneq

2016-imi Kalaallit Nunaanni ilinniakkat qaffasissusaat ilanngunneqartalerput. Efterskoleni atuartut pillugit paasissutissat aamma saqqummersinneqartalerput kiisalu inuusuttut 16-it 25-llu akornanni ukiullit ilinnianngitsut sulinngitsullu pillugit kisitsisitigut paasissutissiisoqarluni. 

 

Innuttaasut pillugit kisitsisitigut paasissutissat

2016-imi innuttaasut pillugit kisitsisitigut paasissutissat ilaqutariit pillugit paasissutissanik ilaneqarput. Kisitsisitigut paasissutissiissutigineqartartunut innuttaasunut inoqutigiinullu tunngasunut Ilaqutariit pillugit paasissutissat ilassutaapput. Ilaqutariit pillugit paasissutissat isertitanik aamma isumaginninnermik pisartagallit pillugit itisiliinerni soqutiginaateqarpoq.